Inoiz pentsatu duzue zergatik diren ezagunagoak emakumezko fado abeslariak gizonezkoak baino?

Ander Huelvako Ayamonte herrian antolatzen den fado lehiaketa amateur batera doa bertan parte hartzeko asmoz. Autostopean ari dela, Mariok jasoko du bere kamioian. Kasualitateak kasualitate, Anderrek eta Mariok lehenagotik ezagutzen dute elkar, baina urteak dira ez dutela elkarren berri izan. Berezia izango da elkarrekin egingo duten bidaia, batez ere, Masku izeneko pertsonai misteriotsuak baldintzatuko duelako.  

Eskuratu Fitxa Teknikoa eta Argiztapen Planoak: goikoa eta albotakoa

Eskuratu dossierra eta esku-programa

Ikusi emanaldi zerrenda

Irakurri Berria egunkariak estreinaldia aurretik egin zuen albistea

SARIAK

XXI. Donostia Antzerki Saria: Epaimahaiaren ustez “Fadoak entzuten zituen gizona” 2020an Donostian helduentzat eskaini diren antzezlanen artean onena izan da arrazoi askorengatik. Epaimahaiaren esanetan, antzerki lan horrek maskulinitatearen gaia oso ondo lantzen du eredu desberdinak erabiliz eta ohiz emakumearekin lotzen den kantu mota bat, fadoa, abiapuntutzat hartuta. Horrez gain, epaimahaiak balio berezia eman dio kontakizunari, izan ere, originaltasun handiz garatzen da ohikoa ez den pertsonaia bat argumentutik kanpo sartuz eta taula gainean oso emaitza erakargarria eta desberdina lortzen da, kutsu surrealista bat emanaz. Testuari dagokionez, mamitsua, sakona eta aldi berean umoretsua dela nabarmendu du eta hizkuntzaren aldetik, antzerki-lengoaia oso egokitzat jotzen da eta euskara bera ere aberatsa da, maila altukoa.